Iraq dê 650 ton alîkariyên curbicur bişîne Sûriyê

Sekreterê Giştî yê Encûmena Wezîran a Iraqê ragihand, ku ew ê 650 ton alîkariyên xwarinê û hevkariyên hawarhatinê ji qurbaniyên erdheja Sûriyê re bişînin.

Berdevkê Sekreterê Giştî yê Encûmena Wezîran Heyder Mecîd da zanîn, Wezareta Bazirganiyê dê îro Çarşemê 650 ton birinc, şekir, rûn û xwarinên din bişîne Sûriyê.

Heyder Mecîd got: “Me 60 ton kelûpelên bijîşkî, çadir, betanî û betanî ji qurbaniyên sûrî re bi du firokeyan şandin û tîmeke Heyva Sor a Iraqî ji bo rizgarkirina kesên di avahiyan de mane jî ligel wê ye.”

Piştî rûdana erdhejê hejmarek welat wek, Iran, Tûnis, Imarat, Iraq û Cezair alîkariyên mirovî û bijîşkî derbasî Sûriyê kirin, lê alîkarî bi tenê derbasî navçeyên rêjîmê bûn û navçeyên Idilb û Efrînê ku di destê opozîsyona Sûriyê de ne ji wan alîkariyan bêpar in.